बसन्तपुर नयाँ शहर आयोजना कार्यालय, तेह्रथुम

बसन्तपुर नयाँ शहर नेपाल सरकारको आ.व. २०६७/०६८ को नीति तथा कार्यक्रम अनुसार आधुनिक नयाँ शहरहरूको विकास र निर्माण गर्ने अवधारणाबाट स्थापना गरिएको एक महत्वपूर्ण शहरी विकास आयोजना हो । यो आयोजना तेह्रथुम जिल्लाको लालीगुराँस नगरपालिकाको बसन्तपुर बजार क्षेत्रमा अवस्थित छ र मध्यपहाडी (पुष्पलाल) राजमार्गसँग जोडिएका १० वटा प्रस्तावित नयाँ शहरहरूमध्ये एक हो ।

सघन शहरी विकास कार्यक्रम अन्तर्गत सुरु गरिएको यस आयोजनालाई आ.व. २०७१/०७२ देखि छुट्टै बजेट शीर्षक मार्फत कार्यान्वयन गर्न थालिएको हो । प्रारम्भिक चरणमा तत्कालीन शहरी विकास तथा भवन निर्माण विभाग, डिभिजन कार्यालय धनकुटाबाट सञ्चालन गरिएको यो आयोजना विभिन्न चरणहरू पार गर्दै २०७२/०६/२२ देखि बसन्तपुरबाटै प्रत्यक्ष अख्तियारीसहित सञ्चालन हुन थालेको हो । त्यसपछि २०७५/०९/०२ देखि २०७६/०७/०१ सम्म सङ्घीय आयोजना कार्यान्वयन इकाई, मोरङ (विराटनगर) बाट सञ्चालन भई पुनः २०७६/०७/०१ देखि हालसम्म बसन्तपुरबाट नै पूर्ण अख्तियारीसहित कार्यान्वयन भइरहेको छ ।

आ.व. २०७३/०७४ मा नयाँ शहर आयोजना समन्वय कार्यालयद्वारा तयार गरिएको एकीकृत विकास योजना (IDP) अनुसार यस आयोजनाका कार्यक्रमहरू सञ्चालन हुँदै आएका छन् ।

यस नयाँ शहर आयोजनाको मुख्य उद्देश्य बसन्तपुरलाई पूर्वी नेपालको व्यवस्थित, पहिचानयुक्त र आधुनिक शहरका रूपमा विकास गर्नु हो । यसले ठूला शहर तथा तराईतर्फ हुने बसाइँसराइलाई न्यूनिकरण गर्ने, शिक्षा, स्वास्थ्य, यातायात, सांस्कृतिक तथा पर्यटन सेवाहरूलाई सुदृढ बनाउने तथा स्थानीय आर्थिक विकासमा योगदान पुर्‍याउने लक्ष्य राखेको छ । साथै, पर्यटन प्रवर्द्धनमार्फत स्थानीय आर्थिक गतिविधि विस्तार गर्दै वि.सं. २०२० सम्म करिब १ लाख जनसङ्ख्याका लागि आधुनिक पूर्वाधार विकास गर्ने दीर्घकालीन लक्ष्य समेत राखिएको छ ।

विनियोजित बजेट र खर्चको अवस्था

बिनियोजन र खर्च (चालु र पुँजिगत)- रकम रू. हजारमा

भौतिक प्रगति विवरण

बसन्तपुर जग्गा एकीकरण आयोजना, तेह्रथुम

बसन्तपुर जग्गा एकीकरण आयोजना लालीगुराँस नगरपालिका वडा नं. १ (साविक साब्रा–९), डोप्किलोमा अवस्थित छ, जुन पूर्वमा मध्यपहाडी लोकमार्ग र पश्चिममा कोशी राजमार्गको बीच भागमा पर्छ। यस आयोजनाको कुल क्षेत्रफल ४३४ रोपनी रहेको छ भने कुल १४१ कित्ता जग्गा समावेश गरिएको छ।

जग्गा एकीकरण गर्दा निम्न अनुसार क्षेत्रफल तथा संरचना निर्धारण गरिएको छ: